Ylli i muzikës pop Dua Lipa, gjatë një interviste për Sunday Times është pyetur lidhur me qëndrimet e Sekretares së Brendshme Britanike Braverman, për emigrantët shqiptarë.
“Sigurisht që lëndon. Të gjithë ato fjalë që hidhen rreth emigrantëve. Gjithmonë kam ndjerë se Londra ishte një përzierje kulturash. Dhe kur dëgjon qeverinë që flet rreth shqiptarëve, për shembull, të lëndon. Është qëndrim dritëshkurtër dhe mendjevogël, por është mënyra se si mendojnë shumë njerëz. Pavarësisht sa mundohemi që të ndryshojmë retorikën, do të ketë gjithmonë nga ata që mendojnë se erdhën emigrantët në vendin tonë dhe po marrin punët. Sidoqoftë, emigrantët të cilët kanë ardhur këtu i kanë fituar të ardhurat e tyre duke punuar jashtëzakonisht fort. Ka nevojë që të ketë më shumë empati sepse njerëzit nuk largohen nga vendi i tyre nëse nuk kanë vërtetë nevojë”, tha këngëtarja. Kujtojmë se Braverman etiketoi shqiptarët si kriminelë dhe pohoi se kishte një pushtim të Anglisë nga ata që kalojnë kanalin Anglez me anije./Opinion.al
