Tragjikomike: Federata Shqiptare e Futbollit jo vetëm që nuk e merr për bazë raportin e plotë të UEFAs, por kundërsulmon dhe akuzon gazetën PanoramaSport! Në fakt, dosjen e UEFA-s e kanë publikuar të gjitha mediat shqiptare dhe është krejt e pakuptimtë ajo që po ndodh. FSHF, me një reagim zyrtar plot gabime drejtshkrimore, që flasin qartë për punën që bëhet aty, thotë se ende pret vendimin e argumentuar të CASit! Në fakt, CAS nuk merr vendime me argumente, CAS thjesht vendos: A KA TE DREJTE UEFA, APO SKENDERBEU?
Vendimi i CAS ishte i thjeshtë: KONFIRMOHET VENDIMI I UEFA-s! Ndoshta në Federatë presin ndonjë kartolinë a dosje tjetër nga CAS, por gjithçka është shumë më e thjeshtë se sa duan ta paraqitin në qeverinë e futbollit shqiptar: Skënderbeu është përjashtuar nga kupat e Europës sepse kishte në ngarkim një dosje me mbi 50 ndeshje, shumica e të cilave brenda Shqipërisë. Federata para pak kohë tha: Skënderbeu është dënuar për ndeshje jashtë Shqipërisë, se përndryshe do e dënonim edhe ne!
Ja reagimi i Federatës Shqiptare të Futbollit:
Federata Shqiptare e Futbollit kerkon te informoje publikun, ne lidhje me nje lajm te pavertete, te botuar ne numrin e sotem te gazetes “Panorama Sport” mbi vendimin e arsyetuar te ceshtjes Skenderbeu. E verteta eshte kjo: Pas apelimit qe ekipi i Skenderbeut beri ndaj vendimit te UEFA-s ne Gjykaten e Arbitrazhit Sportiv (CAS), u mor dhe vendimi final i cili denoi ekipin e Skenderbeut nga pjesemarrja ne kupat e Europes per nje vit. Menjehere pas ketij vendimi FSHF eshte konsultuar me organet juridike te UEFA-s mbi hapat e metejshem qe duheshin marre, pasi ishte nje situate e pajetuar me pare qofte per FSHF por dhe vete UEFA-n. Pas ketyre konsultave u arrit ne perfundimin qe do te pritej te publikohej vendimi i arsyetuar nga CAS, dhe me pas organet perkatese te UEFA-s dhe FSHF-se do te rikonsultoheshin per te arritur ne nje vendim te perbashket mbi ekipin e Skenderbeut. Deri me sot ky vendim i arsyetuar i CAS, nuk eshte zbardhur, dhe kjo mund te vertetohet lehtesisht ne faqen zyrtare te CAS ku publikohen te gjithe vendimet e saj. Faksimilja e botuar sot eshte pergjigja e UEFA-s per vendimin e Komisioneve te saj. UEFA eshte nje institucion dhe CAS nje institucion tjeter krejtesisht pa asnje lidhje me njeri tjetrin. Kjo eshte e verteta. Ky eshte blofi i rradhes i “Panorama Sport”. Pjesa tjeter qe ata i serviren publikut eshte alucinacion i qellimshem ne vijim te nje fushate disavjecare denigruese ndaj institucionit te futbollit, qe ka per qellim te nxije realitetin dhe sukseset e tij ne vijimesi, sidomos gjate viteve te fundit.
