Edhe pse ende ai nuk është prezantuar si trajneri i skuadrës së Partizanit, çka pritet të zyrtarizohet më 4 janar sipas drejtuesve të klubit, italiani Andrea Agostineli ka nisur të “flasë” me gjuhën e të kuqve të kreyeqytetit.
Dje pasdite, 58vjeçari, i lindur në Ankona të Italisë, ishlaciali që do të drejtojë në vijim skuadrën e Partizanit, në një intervistë radiofonike ka folur për “aventurën” e tij të re që pritet të nisë përtej Adriatikut.
“Ekipet e kreut të Superligës në Shqipëri janë më të fortë sa ekipet e mesit të tabelës në Seria B në Itali”, ka deklaruar Agostineli, i cili ndërmjet të tjerash tha se e njeh skuadrën e Partizanit, duke u shprehur: “është ekip që ka mundur Frosinonen në verë, 15 herë kampion dhe ka 2 lojtarë në kombëtaren e De Biazit”.
Trajneri i ri i të kuqve, italiani Agostineli, edhe pse drejtuesit e klubit të kryeqytetit nuk ia kanë kërkuar një gjë të tillë, shpreh ambicien e tij personale për fituar trofe, ose kampionatin ose kupën, në të kundërt ai do të largohet
“Sot nuk ke mundësi të ndryshosh stafin, pasi njerëzit aty janë. Situata është e tillë dhe nuk të lë të bësh ndryshime radikale. Nëse nuk fitoj së paku një trofe, as kupë dhe as kampionat, unë largohem. Nuk ma ka kërkuar klubi këtë, por kjo është kërkesa ime ndaj vetes”, ka deklaruar trajneri i ri Partizanit, në emisionin radifonik “Non mollare” të Radiosei. Sportal.al
