Ronny Jackson, një ish-mjek i Shtëpisë së Bardhë, i cili ka shërbyer nga viti 2013 deri në vitin 2018, ka folur mbi sëmundjen e ish-Presidentit amerikan Joe Biden. Jackons ka thënë se ish-Presidentit mund të mos i mbetet shumë kohë për të jetuar, duke u bazuar në agresivitetin e sëmundjes, që tashmë i është përhapur në kocka. “Kjo nuk është fusha ime e specializimit, por kam folur me shumë urologë që kur doli kjo, dhe konsensusi i përgjithshëm është se, e dini, mund të jetë 12 deri në 18 muaj,” tha Jackson.
“Shpresoj se është më gjatë se kaq, dhe shpresoj që ata të jenë në gjendje ta trajtojnë këtë në mënyrë efektive, dhe, e dini, ai të jetojë shumë, shumë vite të tjera. Por është shumë e avancuar.”
Mjeku Jackson vazhdon me tej duke thënë se Biden mund të jetë diagnostikuar shumë kohë para njoftimit të së dielës dhe këtë deklaratë e bazon në kontrollet e vazhdueshme që i bëhen presidentëve në Shtëpinë e Bardhë.
“Çdo vit bëja një provim për Presidentin Obama, dhe çdo vit që bëja një provim për Presidentin Trump, kontrolloja antigjenin specifik të prostates”, tha ai. “Ne bëmë teste për kancerin e prostatës. Mendoj se ka një probabilitet këtu që ata e dinin se Biden kishte kancer të prostatës disa kohë më parë dhe thjesht nuk ia thanë popullit amerikan.”
Familja dhe zyra e ish-presidentit Joe Biden, njoftoi të dielën se 82-vjeçari se ajo që në vitin 2022 është përshkruar si një “nodul i vogël”, në fakt është një masë tumoriale shumë agresive.
Sipas zyrës së ish-presidentit, Biden, vuan nga një kanceri i prostastës në nivelet më të larta që po i përhapet nëpër trup, për të cilën ata u informuan vetëm të premten pas kontrolleve mjekësore më herët gjatë javës së kaluar.
