Një ligj i miratuar sëfundmi nga Parlamenti për të lejuar importin e plehrave në Shqipëri, ose të mbetjeve siç u thotë Kryeministri është kthyer në kauzën më të fortë për të cilën shoqëria civile proteston.
Qytetarë, aktivistë, intelektualë,etj. kanë dalë hapur kundër vënies në zbatim të këtij ligji. E gjithë frika është për implementimin e këtij ligji. Pra, rreziku se bashkë me mbetjet e listës së gjelbërt që përdoren nga industria mund të kalojnë edhe mbetje të dëmshme për shëndetin tonë.
I gjendur përballë këtij presioni në rritje të qytetarëve, Kryeministri i vendit Edi Rama foli gjerësisht të enjten në studion e “Opinion”. Ajo ç’ka tha prerazi, Rama ishte se “nuk do të lejohet referendumi”.
Pra, nuk do t’ju jap të drejtë qytetarëve të shprehen me votë të drejpërdrejtë për këtë çështje. Në fakt kjo nuk është vetëm një kërkesë e shoqërisë civile, edhe Partia Demokratike gjatë kësaj jave e artikuloi qartë kërkesën për referendum, madje u dorëzuan edhe firmat e deputetëve në Kuvend.
Gjithashtu gjatë intervistës me Blendi Fevziun, Rama nuk shfaqi pendesë për faktin se kishte bërë politikë me ligjin e mbetjeve propozuar nga ish-Qeveria Berisha, disa vite më parë. Pyetjes se: A e kishte dëmtuar industrinë e përpunimit të mbetjeve për gjithë këto vite? Rama tha: Po, por kishte qenë e qëllimshme, pasi ata mblodhën mbeturinat në vend gjatë këtyre 3 viteve.
Tani, sipas Edi Ramës, është koha që kjo industri të punojë me kapacitet të plotë, edhe me mbetjet që vijnë nga jashtë. Ai përsëriti disa herë se nuk ka asnjë plan të tërhiqet nga ky ligj, duke shtuar se edhe ai vetë në Shqipëri jeton!
*Ndiqni një moment nga intervista në “Opinion” në videon më poshtë
