Mjeku Genc Byrazeri ishte sot si dëshmitar në Komisionin Hetimor Parlamentar për Sterilizimin dhe Check-up, për të folur për kohën kur ai ka qenë anëtar i komisionit të Check-up.
Gjatë dëshmisë së tij ai tha se më parë në sallat e vjetra të spitalit ka rezultuar se ka pasur ndotje të niveleve të larta.
“Nuk harroj kurrë… kemi kontaktuar në atë kohë ministrin Halim Kosova për mbylljen e disa sallave, ku në 2013 rezultonte se në sallën e ORL, mostra të kontaminuar kanë qenë në shkallë 43%, urgjenca e kirurgjisë 2/3, kirurgji 40%. Nuk ka vend për diskutim. Ishim si Afrikë subsahariane. Ndotja ka qenë aq dramatike sa nuk e di se për çfarë faktesh mund të flasim. Ka pasur shumë vdekje si rezultat i gjendjeve septike. Kemi gjetur ndotje në vegla, poshtë krevatit, në sallë, këto janë fakte”, tha ai.
