Kryeministri Edi Rama ka reaguar në lidhje me deklaratën e bërë nga kreu i Republikës Sërpska, Milorad Dodik për krijimin e Serbisë së Madhe.
Nëpërmjet një postimi në rrjetet sociale, Rama shkruan se është i befasuar nga mungesa e reagimit të BE, ndërsa kërkon që ata të mbajnë sa më shpejt një qëndrim për këtë deklaratë.
“Kanë kaluar tri ditë që nga deklaratat e rrezikshme dhe nxitëse kundër Bosnje-Hercegovinës, Kosovës dhe Malit të Zi. Duhet të rrëfej, jam i befasuar nga mungesa e reagimit të deritanishëm nga partnerët tanë të BE-së dhe sinqerisht shpresoj që kjo heshtje të thyhet sa më shpejt!”- shkruan Rama.
Serbët, këtë shekull, duhet të formojnë një shtet të vetëm pjesë e të cilit të jetë edhe Kosova e Mali i Zi, deklaroi kreu i Republikës Sërpska, Milorad Dodik.
‘Por tani duhet të themi se në këtë shekull duam një shtet të vetëm të përbërë nga Republika Srpska, Serbia, Kosova dhe nëse një vendim i tillë është demokratik, edhe Mali i Zi”,-u shpreh Dodik.
