Shkencëtarët janë pothuajse të sigurt se temperaturat mesatare nga viti 2010 deri më 2019 përbëjnë dekadën më të nxehtë të regjistruar ndonjëherë.
Shifrat paraprake, të publikuara nga Organizata Botërore e Meteorologjisë, sugjerojnë se ky vit do të jetë viti i dytë më i ngrohti në histori. Sipas organizatës kjo nxehtësi “e jashtëzakonshme” globale është nxitur nga emetimet e gazrave serë.
Sipas raporteve të ndryshme, shumë pjesë të botës përjetuan nivele të pazakonta të nxehtësisë këtë vit. Amerika e Jugut, Evropa, Afrika, Azia dhe Oqeania ishin më të nxehta se zakonisht, ndërsa shumë pjesë të Amerikës së Veriut ishin më të ftohta se zakonisht.
Ndërkaq dy valë të mëdha të nxehtësisë e goditën Evropën në qershor dhe korrik të këtij viti, ndërsa më 28 qershor, Franca shënoi rekord të ri kombëtar prej 46 gradësh Celsius./Opinion.al
