Kryetari i Partisë Demokratike, Sali Berisha ka folur sot për mbledhjen e grupit parlamentar të PS, në të cilën mazhoranca u mblodh për të dëgjuar rektorin e Universitetit Bujqësor të Tiranës, Fatbardh Sallaku, pas masave që lëshoi SPAK.
Gjatë fjalës së tij, Berisha thotë se Rama përpiqet që të mbulojë diellin me shoshë.
“Sot mazhoranca mblodhi grupin parlamentar për të dëgjuar rektorin e një universiteti të cilit i janë lëshuar mandate arresti për një laborator që nuk ekziston dhe para të shpenzuara, askush nuk mund ta besojë, por ja që kjo ndodhi.
Së pari, pse e përdor Edi Rama këtë? Edi Rama përpiqet të mbulojë diellin me shoshë, duke shfrytëzuar një dosje që në përpjestim janë shuma të vogla. Nuk mungon vetëm djegësi që nuk ekziston thotë Rama, por edhe laboratori. Përpiqet të përdorë shoshën për të mbuluar diellin”, tha Berisha.
Ndër të tjera, ai tha se nuk kishte asnjë koment pasi nuk e njihte asnjë çështje.
“Rektori e përleu keq universitetin. Të mendosh të shpëlash apo të qash një aferë në rifurxhon e hajdutëve duhet të mendosh 5 herë që të futesh aty. E shihnit ju si qesëndisej Belinda Lubia apo Balla…Nuk jemi vetëm ne, ja cndodh edhe me pedagogët. Unë nuk kam asnjë koment, nuk njoh asnjë cështje, por di një gjë që nuk mund të ndodhte kurrë që të shkosh dhe të rrëfehesh në strofullën më të zezë të hajdutëve në Evropë sic është ai grup”, tha Berisha.
