Roza Lati është mjaft e komentuar për veprimet që bën, gjërat që thotë apo si i thotë ato. Showgirl nuk ngurron të ballafaqohet me personazhe të tjerë publikë. Ajo qan për kafshët dhe keqtrajtimin e tyre në televizion. Është e guximshme dhe e lirë. Por nëse Roza është ashtu siç është, kjo vjen si meritë e babait të saj. E bija e aktores shqiptare e ka humbur babain në moshë të vogël. Ai u nda nga jeta 17 vite më parë, e sot do të ishte 68 vjeç.
Roza e ka vizituar atë në varreza, e me një dedikim prekës në rrjetet sociale i ka përlotur të gjithë. Roza tregon se çdo karakteristikë të sajën e ka trashëguar nga i ati. Figura e tij do ta ndjekë gjithmonë, edhe pse Roza nuk e mban mend mirë, pse i ngjan shumë.
“Nuk mbaj mend shumë nga ty.. Por mbaj mend që pranë teje.. ndihesha e mbrojtur nga çdo gjë. Di që nga ty kam marr krenarinë e tepruar. Fiksimin për pastërtinë. Nervin për ta bërë diçka si dua unë deri në fund. Nuk dorëzohem siç nuk dorëzoheshe ti derisa sakrifikoj dhe shëndetin tim. Dua kafshët si ty. Dua kuajt dhe shoh dokumentarë me kuaj si ty. Deti… dua detin si ty… notoj si ty. Jam e egër si ty. Jam shpirt i lirë dhe e çmendur si ty. Te dua bab… gjithë jetën do më ndjek figura jote… sepse ah dreqin… të ngjaj kaq shumë!”, ka shkruar Lati nw Instagram./Opinion.al
