Kthimi i Elvanës në Shqipëri ishte i bujshëm! Me një album ku hapësirën më të madhe e zënë baladat, një nga këngët më të pëlqyera dhe që tërhoqi vëmendjen e mediave ishte ajo; “Më fal” për të cilën u tha se Elvana ja dedikoi kantautorit Flori Mumajesi, më të cilin ka bashkëpunuar për disa vite dhe po ashtu ka qenë në një lidhje dashurie.
Por sa e vërtetë është të kjo?
Ka qenë realizuesi i këngës, Pirro Çako ai i cili këtë mëngjes ka qenë i ftuar në ‘Wake Up’ ku ka shpjeguar se teksti është shkruar nga vetë këngëtarja, por duke mos konfirmuar që ka pasur një nxitje nga e kaluara e saj.
Ndër të tjera ai tregoi diçka edhe për këngët e tjera të realizuara prej tij:
“Unë kam bërë ‘Gjërat kanë ndryshuar’, por me një tekst tjetër. E kisha shkruar 3-4 vjet më parë, ndërkohë edhe “Ti Shqipëri më jep nder” mora spunto nga disa fëmijë që e recitonin këtë vjershë dhe e kam shkruar muzikën për 10 minuta, Xheloz, po ashtu, ndërsa këngën ‘Më fal’, tekstin e ka shkruar Elvana, donte të kishte një këngë të sajën. Bashkëpunimi ishte i çuditshëm, por kishte kimi dhe fatmirësisht funksionoi shumë mirë”, tha ndër të tjera kantautori Pirro Çako./Opinion.al
