Reshje dëbore janë regjistruar gjatë orëve të natës në qarkun e Korçës. Dëbora, e shoqëruar me erë të fortë në zonat malore ka nisur përgjatë intervalit të orës 19:00 deri në 02:00 të mëngjesit, ndërsa trashësia e saj varion nga 10-20 cm.
Mësohet se reshjet e dëborës kanë nisur dhe probleme te para në qarkullimin e automjeteve, pasi temperatura e ulëta kanë sjellë akull në rrugë.
Ndërkohë, ekipet e mirëmbajtjes kanë punuar gjatë gjithë kohës për pastrimin e borës dhe kriposjen e rrugëve, megjithatë në orët e mëngjesit rekomandohet përdorimi i zinxhirëve dhe goma dimërore.
Moti aktualisht është i kthjellët ndërsa termometri shënoi -7 gradë në vlerën minimale./ Opinion.al
