Moti i keq, me reshje dëbore dhe temperatura disa gradë nën zero ka goditur vendin. Për pasoja disa qytete janë në “pushtimin” e dëborës ndërsa Autoriteti Rrugor shqiptar njofton gjithë drejtuesit e automjeteve ku duhet të kenë kujdes.
Sipas ARRSH-së reshjet e borës kanë filluar të lehta në Tropojë, Dibër dhe Fushë Arrëz-Kukës, por pa sjellë probleme për qarkullimin. Kompania e mirëmbajtjes ka bërë trajtimin me kripë dhe është në terren me mjete e punëtorë nuk ka probleme në qarkullim. Reshje bore ka pasur edhe në Steblevë, ku është bërë pastrimi i rrugës dhe trajtimi me kripë, nuk ka probleme me qarkullimin.
Më problematike situata paraqitet në segmentet e mëposhtme: Qafë Thanë-Korçë-Kapshticë; Qafë e Qarrit-Korçë-Ersekë; Boboshticë-Dardhë; Korçë-Voskopojë; Zëmblak-Goricë.
“Kontraktorët janë në terren dhe në gatishmëri për çdo situate, me qëllim sigurimin e kalueshmerisë normale në të gjitha akset. Drejtuesit e mjeteve të tregohen të kujdesshëm, të reduktojnë shpejtësinë, të ndjekin udhëzimet e Policisë Rrugore të pajisen me goma dimërore dhe zinxhirë, të respektojnë sinjalistikën horizontale dhe vertikale”, thekson ARRSH. / Opinion.al
