Moti po na rezervon surpriza. Edhe pse ndodhemi në muajin prill, duket se kemi “dimër” në Pranverë. Rruga e Arbrit është bllokuar nga dëbora, e cila ka rënë gjatë, por edhe në orët e para të mëngjesit.
Për shkak të reshjeve të dëborës, aksi i rrugës së Arbrit, bypass- Qafë Murrizë është bllokuar përkohësisht dhe subjekti kontraktor po punon për pastrimin dhe hapjen e saj.
Sakaq, Policia Rrugore apelon për të gjithë drejtuesit e mjeteve që lëvizin në drejtim të Tiranës dhe anasjelltas nëpërmjet bypass-Qafë Murrizë, të ndjekin aksin rrugor Klos-Burrel-Ulëz.
“Policia e Rrugore apelon për të gjithë drejtuesit e mjeteve që të tregojnë kujdes të shtuar në drejtimin e mjetit, të shmangin lëvizjet e panevojshme, të moderojnë shpejtësinë dhe të mos bëjnë manovra të rrezikshme në rrugë. Në rast nevoje për ndihmë, telefononi në numrin 112”, thuhet ne njoftimin e policise./Opinion.al
