Departamenti Amerikan i Shtetit ka përshëndetur vendimin e qeverisë shqiptare për të dëbuar nga vendi dy diplomatët iranianë.
“Ne e lavdërojmë vendimin e qeverisë së Shqipërisë për të dëbuar dy diplomatët e ashtuquajtur iranianë. Regjimi iranian vazhdon të përdorë objektet e tij diplomatike në Evropë dhe gjetkë si mbulesë për të komplotuar sulme terroriste, si dhe për të kërcënuar dhe spiunuar iranianët që jetojnë jashtë” shkruan zëdhënësja e Departamentit Amerikan të Shtetit, Morgan Ortagus në Twitter.
We commend the government of #Albania’s decision to expel two of #Iran’s so-called diplomats. The Iranian regime continues to use its diplomatic facilities in Europe and elsewhere as cover to plot terrorist attacks, as well as to threaten and spy on Iranians living abroad.
— Morgan Ortagus (@statedeptspox) January 16, 2020
Qeveria njoftoi të mërkurën për dëbimin e dy zyrtarëve iranianë, Seyed Ahmed Hosseini Alast dhe Mohamed Peimanemati. Zëri Amerikës raportoi se këta dy diplomatë kishin qenë bashkëpunëtorë të gjeneralit të vrarë iranian Qassem Suleimani. /Opinion.al
