Debati Rama-Berisha për Jaguarët: Janë makina të lira!

TIRANË- Duke folur për makinat Jaguar që do të marrë me qira, Kryeministri Rama tha se “për 4 vjet do të kursejmë gjysmë milioni euro”. Rama argumenton se “makinat Jaguar janë më të lira se Volksëagen dhe se Mercedes Benz po e po”. Sipas Kryeministrit, marrja me qira është mënyra më e mirë dhe po e bëjnë të gjithë qeveritë në vendet normale. “Edhe paraardhësi im ka synuar ta bëjë këtë gjë por për arsye që janë të panjohura procesi nuk ka shkuar deri në fund”, u shpreh Rama. Pas tij në foltoren e Kuvendit ka dalë Berisha i cili tha se “8 zhaguar, i doni si ato kërpudhat toksike për tu eglendisur për foto se luksin nuk e don ky zotëri jo”. Pas Berishës ka dalë në foltore Balla i cili ka folur për makinën e Berishës, ndërsa ky i fundit largohej nga salla duke bërë me shenjë se nuk mund të dëgjojë Taulant Ballën. “700 mijë euro bleve ti Sali një makinë për vete. Ndërkohë që gjithë qeveria me gjysmën e këtij çmimi do të marrë një shërbim transporti për dy vite bashkë”, tha deputeti socialist.