Në takimin e sotëm me qytetarët e Vlorës, kreu i Partisë Demokratike Lulzim Basha tha se akti i fundit i qeverisë Rama kundër interesit të qytetarëve është rritja indirekt e taksës së karburantit me 2 lekë për litër. Kjo gjë sipas tij bëhet për të interesa klienteliste të qeverisë, duke i cuar lekët e taksave të qytetarëve tek disa biznese private.
Në lidhje me këtë deklaratë të Bashës ka reguar në Twitter, Ministrja e Ekonomisë dhe Financave, Anila Denaj. Ajo e ka mohuar pretendimin e Bashës duke thënë se kjo është një fantazi e tij dhe se taksa të reja nuk ka.
“Kur e humbet debatin, i humburi kapet pas sajesave! Kjo m’u kujtua duke dëgjuar Lulzim Bashën që flet për rritje të taksës së karburantit. Një tjetër produkt i një fantazie gjithnjë e më shumë për të ardhur keq! S’ka rritje taksash, s’ka taksa të reja!” ka shkruar Denaj.
Më herët gjatë ditës, ish-deputeti i Partisë Agron Shehaj denoncoi në përmes një postimi në Facebook rritjen e taksës për naftën. Ai e argumentonte këtë duke shkruar se qeveria do të mbledhë fonde për të blerë dhe ruajtur një sasi karburanti rezervë kombëtare, për raste krizash apo fatkeqësish natyrore. Kështu që Rama, sipas Shehajt, ka vendosur ta japë me koncesion mbajtjen e depozitave, të financuar nga paratë e shtetit. Ky lloj koncensioni do të sjellë një rritje indirekte të naftës me 2 lek për litër. /Opinion.al
