Armando Duka dhe Bashkim Fino që garojne për FSHF bënë debat publik mbrëmë në Top Channel, ku pati tensioni dhe akuza të ndërsjella. Duka akuzoi Finon se po kerkon te fitoje garen me kriminele.
“Unë prisja që ne të flisnim më shumë për futbollin realisht, por ti vjen këtu me një mal me akuza, që në fakt nuk janë aspak të vërteta. Je ti ai që ke nisur presionet politike ndaj delegatëve, ndërsa ke aktivizuar edhe kriminelë. Realisht unë kam frikë të përmend emrat e kriminelëve që ke aktivizuar dhe ke përdorur, madje edhe ti ke frikë”, tha Duka.
Ndërsa Bashkim Fino akuzoi Dukën se paracakton kampionët në Shqipëri dhe premtoi se do të rikthejë transparencën dhe besueshmërinë në futbollin shqiptar.
“Jam shumë ndryshe nga ty, nuk je treguar i barabartë. Mos mashtro më, se ke 16 vjet, ke manipuluar me telefon. Ka mbaruar koha jote. Të akuzojnë të gjithë, të gjitha klubet, ti ke dy standarde, i dënon sipas standardit tënd. Ti ke standarde sipas dëshirave të tua, ky je ti, këtë ke berë gjatë gjithë kohës ti, ti nxjerr kë ke dashur kampion”, u shpreh ndër të tjera Fino.
