Seanca e sotme në Kuvendin e Shqipërisë është shoqëruar me debate të forta.
Ish-kryeministri, Sali Berisha ka replikuar me ministren e shtetit për Marëdhëniet me Parlamentin Elisa Spiropali. Berisha ka akuzuar qeverinë se ka fshehur viktimat nga COVID, teksa përgjigja e Spiropalit ka qenë me akuza të forta. Ajo iu drejtua Berishës duke i thënë se ai ka shkatërruar PD dhe tani është në pakicë.
Sali Berisha Këtu nuk din nga ta fillosh , këta janë njerëz që kanë në borxh me gjakftohtësinë më të madhe të ecin mbi kufoma, 14 700 viktima numërohen nga COVID dhe këtu rrihet gjoksi se si e përballuam. Këta kanë humbur çdo ndjenjë njerëzore, janë përgjegjës për këtë dëm të madh sepse lanë pa shtruar dhe të vdesin në shtëpi mijëra qytetarë sepse kishin asnjë ¼ e shtrimeve të vendeve, ilaçet e skaduara të klaneve të tyre, Nushi Doshi që i paguajnë partisë, kurse e gjitha gara e tyre se si të gënjejnë, por sot nafta në Austri është 1,35 euro..
Elisa Spiropali: Shqiptarët e kanë thënë përpara, koha jote ka mbaruar, i flet vetes për të larguar frikën, si ai që bërtet në pyll. Ti je përçarësi më i madh i shqiptarëve, sovjetiku i fundit në këtë vend Sali, nuk lë rast, pandemi, luftë, fatkeqësi natyrore pa përdorur për vetën tënde, për aksionin tënd politik flet për kufoma se të shkon gjuha kur dhemb dhëmbi, nuk pyet për kufoma për pushtetin tënd, dhe flet për viktimat e COVID dhe luftës, ky është turp, nuk mjafton që ke mundur Lulin e lule të tjera se ke shkallmuar partinë tënde dhe je pakicë e pakicës.
Sali Berisha: Skënderbeuçi e ka shpërblyer me 5 mln euro dhe e vërteta është që mbrojtja që i bën këtu vetëm sa më ndihmon mua. Ngrita çështjen e vdekshmërisë nga COVID dëshmi e katastrofës së një sistemi qeverisës dhe të kalosh në këtë mënyrë vetëm njerëz që janë vepruar nga paratë, korrupsioni mund të bëj këtë gjë, ju ftoj që të mbajmë 1 minutë heshtje përmbi 14 mijë vdekjet nga COVID.
Ermonela Felaj: Ka një rregullore se kur kërkohet dhe mbahet një minutë heshtje
(Deputetët e Berishës mbajnë 1 minutë heshtje)
Elisa Spiropali: Nuk do gjesh në xhepat e mi asnjë cent, jo ti po asnjë tjetër, prandaj jam serbes dhe nuk më dridhet qerpiku që të merrem me ty e asnjë tjetër, por në duart e mia nuk do gjesh as gjak që gjen në duart e bashkëpunëtoreve të tu që sot i ke kundër, nuk do gjesh në këtë rresht të ministrave, që kanë borxh as viktima e as kufoma.
