Një përplasje mes kryetares së Komisionit Hetimor për Inceneratorët, Jorida Tabaku dhe kryetarit të Bashkisë së Tiranës, Erion Veliaj ka ndodhur gjatë mbledhjes së sotme, ku ky i fundit po jep dëshminë e tij në këtë komision.
Përplasja ka ndodhur për shkak të një vendimi të Këshillit Bashkiak të Tiranës dhe ka degjeneruar në ofendime personale.
Veliaj lexoi vendimin e Këshillit Bashkiak të Tiranës për të ngarkuar kryetarin e bashkisë për zbatimin e buxhetit.
Por Tabaku kërkoi administrimin e vendimit te këshillit bashkiak, duke i thënë se do ta ketë përballë sa herë ka abuzime. Nga ana tjetër Veliaj e akuzoi Tabakun për mashtrim, duke i kujtuar se ai ka fituar përballë saj dhe gjykata e ka dënuar për shpifje.
Debatet:
Tabaku: Më lexo vendimin e këshillit bashkia, mos bëj si viktimë se nuk je viktimë.
Veliaj: Po të jetë për përballjet tona unë të kam mundur në gjyq dhe je e dënuar për shpifje.
Tabaku: Më lexo vendimin e Këshillit Bashkiak.
Veliaj: Ja ku e ke, unë në dallim nga ju vij i përgatitur dhe nuk sajoj dhe nuk dëgjoj Monikën të TV. Më lerë të mbaroj se kjo që po bën është e padrejtë. Sapo ju provova që kam folur në emër të bashkisë dhe jo të qarkut. Po ju lexoj që të njëjtën shkresë ka shkuar edhe Isa Sakja i Kavajës.
Tabaku: Do ta administroj edhe kërkesën e Isa Sakjës.
Veliaj: E vetmja gjë që unë i them Sakjes është që bie parimisht dakord
Tabaku: Nuk kam ardhur të dëgjoj politikën tënde.
Veliaj: Ke ardhur të mësosh dhe mos gënjesh
Tabaku: Ti je gënjeshtari më i madh në këtë vend
Veliaj: Je dënuar me vendim gjykatë
Veliaj: Bashkë jemi përballur edhe në gjykatë dhe ti je dënuar për shpifje
Tabaku: T’i je gënjeshtari më i madh në këtë vend./Opinion.al
