Prej orës 18.20 ka nisur në Partinë Demokratike mbledhja e grupit Parlamentar lidhur me qëndrimin që do të mbahet mbi Reformën në Drejtësi në 21 Korrik.
Deputetja Majlinda Bregu ka deklaruar në mbledhje se PD duhet të votojë reformën në drejtësi dhe të mos presë Metën.
Bregu tha se PD nuk mund t’i shpallë luftë ambasadës amerikane.
“Duhet të dalim me një zgjidhje. Duhet të votojmë reformën në drejtësi. Ne sot jemi nevojtarë edhe për të vendosur veten në kahun ku kësaj partie i takon të jetë. Nuk mund të fshihemi pas detajeve. Ne nuk mund t’i shpallim luftë ambasadës. Le t’i lëmë përrallat me diversantë. Ne duhet të votojmë. Ne nuk mund të presim deklaratat e Metës për të vendosur çdo bëjë PD”, ka thënë Bregu.
Ndërsa deputeti Eduard Selami i është drejtuar kreut të PDsë, duke i kujtuar premtimin se pas nenit 88 do votonte reformën.
“Na keni futur në kurthin e sherrit me ndërkombëtarët. Premtove që pas nenit 88 do e votoje. Nuk e kuptoj pse nuk e jepni zgjidhjen?”, i është drejtuar Selami Bashës.
Raportohet se në mbledhje është i pranishëm edhe ish-kryeministri Sali Berisha.
