Lulzim Basha është përplasur sot në parlament me ministrin e Brendshëm Fatmir Xhafaj. Ky i fundit prezanton ligjin për vetingun në polici, ndërsa hodhi edhe akuza për ish-qeverisjen e PD. Në replikë me Xhafajn, Basha iu drejtua: “Kush të beson ty për vetingun në polici? Ti jep shembullin personal. Dorëzo vëllanë tënd që është dënuar në Itali për trafik droge”.
“Ti ke shkelur kushtetuten, ke zgjedhur një Prokuror për të mbyllur dosjen e vëllait tënd dhe të Saimir Tahirit”, tha me tej ai.
PD kërkon që në ligjin per vetingun ne polici te futet edhe ministri i brendshem dhe jo vetem policet e thjeshte. Kjo eshte kthyer ne molle sherri, pasi PS nuk pranon veting per Xhafen.
REPLIKAT XHAFA- BASHA NE PARLAMENT
Xhafa: E kam thënë dhe nuk i lëviz asnjë presjeje, ta bësh atë (vettingun e politikës) është gjë shumë e mirë. Merre nismën. Duhet të kesh më shumë durim që të presësh, për shumë gjëra, edhe për atë që ke kohë që flet, edhe për SPAK-un edhe për BKH, edhe aty ka nevojë për një ndryshim, që procesi i tyre të nisë së pari nga unë, pastaj dhe tek ty, përfshirë edhe familjet tona, pasuritë tona. Do ta marr unë nismën shumë shpejt dhe besoj që do ta shohësh rezultatin sesi do të dalë, prandaj ki durim Lulzim”, tha ministri Xhafaj.
Basha: Harroje se mund të na impresionosh! Ti vetëm tregon se je pjesë e problemit jo e zgjidhjes. Lëri dërdëllimat kot këtu. E ke fare të thjeshtë ti zotëri, këtu në ligj tani fut vetingun e ministrit. Ti mos na bëj si gardian i Kushtetuës ,se ti ke emeruar pa veting Prokuroren që të mbyllësh çështjen e vëllait tënd. Ke ndryshuar kodin që yt vëlla të mos ekstradohet. Problemi është që ky është sistemi mafioz që tha sot prokurori i antimafies. Duke vënë figura kryesore të mafies për të bërë vetingun e policisë. As mos u skuq, as mos u zverdh, prano amendamentin e opozitës sot që ministi i Brendshëm të jetë i pari që vetingun. Jepi provën, shko arrseto paraardhësin tënd dhe jep llogari për tët vëlla që gjezdis i lirë.
