Mbledhja e sotme e KLP ku do të vendoset për mandatin e Alfred Ballës, pas vendimit të KPA për ta përjashtuar nga sistemi për 15 vite, është shoqëruar me debate dhe diskutime.
Gjatë debateve, anëtarja e KLP Nurihan Seiti është përplasur me kolegun Sokol Stojani duke i thënë se Balla duhej të ishte i pranishëm, sikurse dhe kishte kërkuar me shkrim.
Sipas Stojanit, Balla nuk ka të drejtë të bëjë asnjë kërkesë.
Nga ana tjetër, Seiti e pyet se pse duhet të nxitojmë, për ta shtyrë kolegun në këtë mënyrë.
Pjesë nga debati:
Seiti: Çfarë është ky nxitim, pse doni ta shtyni tjetrin dhe ta rrëzoni në këtë mënyrë?
Stojani: Nuk ka asnjë të drejtë që Balla të bëjë asnjë kërkesë.
Seiti: Po pse po mblidhemi pra? Ka bërë gabim që ka ikur, të vinte këtu të drejtonte… zoti Stojani çfarë ka kaq për të nxituar ?
