Është shoqëruar me debate mbledhja e kësaj të premteje e Komisionit Hetimor për Inceneratorët.
Ka qenë kryetarja e komisionit hetimor për inceneratorët Jorida Tabaku, ajo që ka replikuar me deputeten Ermonela Felaj gjatë diskutimeve lidhur me impiantin e trajtimit të mbetjeve urbane në Tiranë.
Tabaku tha se pagesat kanë nisur që ditën e firmosjes së kontratës, ndërsa theksoi se sipas KLSH pajisjet për inceneratorët nuk kanë ardhur. Ajo u kërkuar kolegëve që të mos i bëjnë avokatinë politike dhe juridike vjedhjes duke u shprehur: “Veten paçi në qafë!”.
Sakaq, Felaj iu kundërpërgjigj duke i thënë “nuk ka nevojë të na bëni ju moral”, duke shtuar se procesi i menaxhimit të mbetjeve është një proces që kushton. Sipas saj po ti hidhje plehrat siç ndodhte në 2013-ën 50 për qind në kosh dhe 50 për qind në lumenj dhe përrenj nuk do kushtonte.
Debati
Tabaku: Për ta përmbledhur sipas kontratës, grafiku i punimeve thotë që duhet të kishin ardhur të 9 lotet në inceneratorin e Tiranës. Investitori duhet të kishte paguar të gjithë vlerën e investimit, ndërkohë që ka paguar 31 për qind. Nuk janë zbatuar penalitetet. Sipas KLSH pajisjet nuk kanë ardhur. Në raportin e gjatë të shkeljeve është edhe një shumë e rëndësishme. Të tre kontratat kontratat koncesionare, Tiranë, Elbasan dhe Fier janë unike, e fillojnë pagesën ditën e firmosjes së kontratës. Është shumë e rëndësishme kolegë të mos i bëjmë avokat politike dhe juridike vjedhjes. Veten paçi në qafë.
Felaj: Nuk ka nevojë të na bëni ju moral. Nuk do merremi me kulturën tuaj juridike. Të dëgjova një orë e një çerek prandaj përpiqu të ruash durimin, mos u hidh përpjetë. Diferenca nga viti 2013 e këtej, ndërkohë që atëherë nuk bëhej asgjë ka një hop cilësor në trajtimin e mbetjeve në Republikën e Shqipërisë. Procesi i menaxhimit të mbetjeve është një proces që kushton. Se po ti hidhje siç ndodhte në 2013-ën 50 për qind në kosh dhe 50 për qind në lumenj dhe përrenj nuk do kushtonte. Kemi bërë si prokurorë, gjyqtarë, policë, ekspertë një përgjegjësi që nuk e gëzojmë. Në legjislacion është bërë progres./Opinion.al
