Asambleja Zgjedhore e FSHF është mbledhur sot në qytetin e Durrësit për të zgjedhur edhe kreun e saj dhe 11 anëtarët e Komitetit Ekzekutiv. Por mbledhja e sotme ka patur edhe debate lidhur me mënyrën e votimit, në momentin që Kryetari i Bashkisë Lushnjë është ndalur tek shoqatat e paregjistruara, duke kërkuar mosvotimin e tyre.
Sikurse ka bërë me dije “Balkanweb” do të jenë 65 anëtarë që do të votojnë për kreun e ri të FSHF, pas mosplotësimit të dokumentacionit në kohë nga Bilisht Sport.
Procesi zgjedhor për këtë mandat të kreut të FSHF ka qenë një ndër më të përfolurit edhe për faktin se një deputet socialist është duke garuar për këtë pozicion.
