Një 60-vjeçar, i identifikuar si Bujar Mehmetaj është goditur me sende të forta nga fqinji i tij, pas një debati për çështje pronësie.
Mehmetaj, ka pësuar lëndime të rënda dhe si pasojë ka ndërruar jetën në spitalin e qytetit bregdetar të Vlorës.
Policia njoftoi se ka identifikuar autorin dhe po punohet intensivisht për kapjen dhe arrestimin e tij.
Sakaq, prej së hënës, 27 prill, Shqipëria është tronditur nga disa vrasje dhe vetëvrasje.
Katër persona u vranë në rrethinat e Lezhës dhe Durrësit, ndërsa 2 të tjerë u vetëvranë në Elbasan dhe Përrenjas.
Rritja e valës së krimit ndodhi në një kohë kur nisi edhe lehtësimi i masave kufizuese, të marra nga situata e koronavirusit./Opinion.al
