Drejtori i Përgjithshëm i TV Klan Aleksandër Frangaj ka debatuar në studion e “Opinion” me analistin Baton Haxhiu, ndërsa i tha këtij të fundit se e ka këshilluar gabim kryetarin e PD. Haxhiu ka mohuar që të jetë takuar me Bashën, ndërsa tha se hera e fundit që është parë me të ka qenë për kafe në shtëpinë e Bashës, por përpara zgjedhjeve.
Pjesë nga debati
Frangaj: Pranoje që e ke këshilluar gabim!
Haxhiu: Asnjëherë s’e kam takuar Bashën.
Frangaj: Je i filmuar. Ke katër muaj.
Haxhiu: Jo katër muaj, kam një vjet e 4 muaj.
Frangaj: Do të nxjerr videon nesër.
Haxhiu: Herën e fundit, para 16 muajsh e kam takuar në shtëpinë e tij, kam pirë kafe.
Fevziu: Për çfarë i shkove?
Haxhiu: Nuk i takoj kurrë liderët, as nuk i thërras në telefon Sandër. Unë kam 16 muaj për dallim prej jush që i takoni përditë.
Shkullaku. Unë e takoj 2 herë në ditë./Opinion.al
