Kreu i grupit parlamentar të PS, Gramoz Ruçi ka kërkuar përjashtimin me 10 ditë nga seancat pleanre të deputetit Sali Berisha, pas deklaratave të tij në Kuvend për kryeministrin Edi Rama, të cilin e ka quajtur “kriminel”.
“Kërkoj mbledhje urgjente të Byrosë për të marrë masat përkatëse ndaj atij që lancoi të gjitha këto në kundërshtim me rregulloren e Kuvendit që se ka për herë të parë po kështu s’mund të vazhojë gjatë”, tha Ruçi.
Më herët Berisha deklaroi se “Rama me një racizëm të ulët, të ndyrë antishqiptar e antikombëtar paraqet Veriun si pullë kriminelësh dhe dijeni të dashur qytetar nga rrethet e Veriut e Verilindjes se ky është koncepti i tij antishqiptar për ju”.
Për shkak të deklaratës së tij me tone të ashpra seanca u ndërpre dy herë me nga 10 minuta. Seanca po drejtohet nga Idrizi, ndërsa Meta dhe Rama nuk marrin pjesë në seancë.
