Ndryshe nga here të tjera, ku të paktën hapja bëhet live në ERTV, grupi parlamentar e ka zhvilluar mbledhjen e kësaj të hënë me dyert të mbyllura. Burimet thanë se pasi ka dhënë porositë, Rama i ka kërkuar llogari deputetit të Vlorës, Alket Hyseni, i akuzuar publikisht se ka grabitur toka në bregdetin e jugut. Rama mësohet se i ka thënë Alket Hysenit: “Dil sqaro publikisht se si e ke përfituar pronën se po na dëmton imazhin”.
Hyseni është shprehur se pronën për të cilën akuzohet e ka shkëmbyer në natyrë dhe gjykata ka dhënë 8 vendime në favor të tij.
“Pronën e shkëmbeva në natyrë, gjyqin e fituam 8 herë”, ka thënë Hyseni. Por kjo përgjigje e tij s’ka mjaftuar për Ramën. “Dil dhe sqarojë publikisht”, i është drejtuar kreu i qeverisë.
Sqarime i ka kërkuar edhe kryetari i grupit parlamentar Taulant Balla. “Hyseni duhet te sqarojë situatën e tij”, ka thënë Balla.
Lexo edhe:
Denoncimi: Alket Hyseni me grabiti pronen
