Mbledhja e Task Forcës Për Turizmin ka vijuar pa praninë e mediave pasi kryebashkiaku i Lezhës, Pjerin Ndreu pati një debat me Ministrin e Brendshëm Sandër Lleshaj.
Shkak është bërë shembja e ndërtimeve pa leje në këtë peridhë të sezonit turistik, e njoftuar nga IKMT.
Ndreu nuk ka pranuar paraqitjen e IKMT në zonat turistike pa njoftime paraprake pasi sipas tij kjo dëmton turizmin. Në fjalën e tij Ndreu deklaroi se është kufizuar pushteti lokal por kjo nuk do ti bëjë kryebashkiakët “policë rreshti”.
Lleshaj nga ana e tij u përgjigj duke thënë se nuk negociohet me kryetarin e bashkisë për të vendosur rregull në vend dhe se do të ruante disa gjëra për t’ja thënë kryebashkiakut të Lezhës në një moment tjetër.
Ndreu ka dashur ti përgjigjet Lleshajt por ka ndërhyrë Klosi, i cili ka kërkuar që të largohen mediat në mënyrë që mbledhja të zhvillohet pa kamera.
DEBATI I PLOTË:
Pjerin Ndreu: Të vijë IKMT-ja të bëjë rrëmujë pa dit fare bashkia dhe të lajmërohen inspektorë periferikë dhe kryetari i bashkisë mos të dijë gjë fare dhe as ti merret mendim, kjo për mua është e parregullt. IKMT duhet të vijë me një njoftim paraprak ku ne të diskutojmë dhe të japim mendim. Jo të bëjmë rrëmujë turizmin. Nëse më vjen ti mua papritur dhe më shemb disa objekte dhe më mbeldh inerte dhe unë s’kam kapacitet për t’i heq ti ma shemb turizmin. Nëse bëhet kjo unë si bashki nuk marr pjesë në këto aksione të pamenduara. Ia kam thënë kryeministrit dhe po e them edhe këtu: Ne nuk jemi ushtarë rreshti por jemi kryetarë të njësisë vendore. Nëse ju mendoni se jemi policë të rreshtit harrojeni. Kryetari i bashkisë boll është sfumu ka ardh koha që ligji për qeverisjen vendore të shikohet me kujdes. Se boll, boll është bërë izolimi i kompetencave të pushteti lokal. Sa ne të injorohemi në këtë mënyrë. Bëj thirrje publikisht të ulemi të diskutojmë e të bien dakord me pushtetin lokal. 30 vjet pa leje ndërsa tani në kohën e sezonit turistik mobilizojmë armë. Sms nuk mund të vihen para institucioneve serioze. Nëse për ju nuk ekziston bashkia në bashkinë Lezhë ka këshill, ka staf ka dhe kryetar që vepron.
Sandër Lleshaj: Do të thoja ca gjëra por po i kursej ato që do të thoja këtu. IKMT është një strukturë ligjore e respektuar e cila ka mbajtur gjatë këtyre viteve një barrë të madhe në një vend të pushtuar nga paligjshmëria. IKMT e ka kryer këtë detyrë me shumë sukses. Ka pasur një pjesë të madhe të paligjshmërisë dhe këtë detyrë do të vijojë ta kryejë. Protokollet e IKMT janë të përcaktuara në ligj dhe zbatohen në mënyrë rigoroze. Sipas rregullave nuk negociohet me kryetarin e bashkisë për të vendosur ligjin në një vend ,ku është shkelur. IKMT do ta vazhdojë këtë punë bazuar në ligj, në raport me shkelësit IKMT do të veprojë drejtpërdrejtë dhe nuk marrin autorizim as nga ministri dhe as nga kryetari i bashkisë dhe askush tjetër…Nëse konstatoni shkelje të ligjit jeni të detyruar të ndërhyni si kryetarë bashkie. Duhet të rivendosni ligjin nëse dikush e ka shkelur atë.
Klosi: Të largohen mediat. Jo jo Pjerin do ta japësh përgjigjen por dua të flas sepse kam shqetësim. Do ta vazhdojmë mbledhjen pa praninë e mediave. /Opinion.al
