Me akuza dhe fyerje të rënda është shoqëruar seanca e sotme plenare. Ish deputeti socialist, aktualisht kreu i LIBRA, Ben Blushi është përplasur me ministrin e Mirëqenies Sociale, Blendi Klosi. Teksa fliste nga foltorja e Kuvendit dhe kërkonte nga deputetet të tërheqin me urgjencë udhëzimin e KQZ që bllokon LIBRA në zgjedhje. Blushi numëroi një sërë akuzash në adresë të Rilindjes, që nga popullimi i Kuvendit me kriminelë e mbajtja e kryebashkiakëve me precedentë, nga vendi ka ndërhyrë ministri Klosi, duke iu drejtuar “injorant” e “budalla”.
Pas kësaj ka shpërthyer Blushi: “Pusho, parazit ordiner që paguhesh 1 mijë euro në muaj nga Vangjush Dako, parazit, këta janë hajdutët e Rilindjes, parazit, e kam gjetur duke punuar për Meksin në 1996, mblidhte letrat, e ngjita në kat të dytë këtë halabak, vartësin e Vangjush Dakos. Shko në bashk merr rrogën në fund të muajit aty te rrënojat turke mos të hedh Vangjushi ndonjë kacidhe” tha Blushi.
