Agjencia e SHBA-së e Luftës Kundër Drogës kërkon ndihmën e qytetarëve për të denoncuar trafikun e drogës ose pastrimin e të ardhurave nga ky trafik.
Ky lajm është bërë i ditur nga ambasada e SHBA-ve në Shqipëri, e cila përmes një postimi në rrjete sociale, bën me dije se Washingtoni është i përkushtuar të punojë me Tiranën për të luftuar trafikun e drogës dhe pastrimit të parave.
Ndër të tjera, DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë me personelin, duke lënë të dhënat e kontaktit celular dhe email.
“Linja e sinjalizimit të Agjencisë së SHBA Kundër Narkotikëve është aktive. DEA nxit këdo që ka informacion në lidhje me trafikun e drogës ose pastrimin e të ardhurave nga droga ta ndajë informacionin me personelin e DEA-s në WhatsApp në: +1 571 502-7846 ose me email në: albania_DEA_tipline@state.gov. Të gjitha të dhënat do të mbahen të fshehta.
Falënderimet tona për të gjithë ata individë që kanë dorëzuar të dhëna të besueshme që kanë mbështetur operacionet e DEA-s. Shtetet e Bashkuara janë të përkushtuara të punojnë me Shqipërinë për të luftuar trafikun e drogës dhe pastrimin e parave të lidhura me të, për një të ardhme më të mirë për të gjithë shqiptarët”, shkruhet në njoftim./Opinion.al
