De Gea është portieri me pritjet më të dobëta në 3 ndeshje që prej vitit 1966 për Spanjën. Në këtë konkluzion kanë dalë kritikët, teksa i hedhin një sy statistikave. Koke dhe Aspas humbën penalltitë, Pique u dhuroi rusëve një të tillë, dhe prap faji kryesor për eliminimin e Spanjës, i mbetet portierit të saj David de Gea.
Ylli i Manchester United dhuroi një performancë të dobët këtë Botëror, duke sjellë edhe eliminimin e hershëm të Spanjës. Ai nuk arriti të priste asnjë prej penalltive të ekzekutuara nga Rusia, ndonëse Spanja humbi dy prej tyre. Gazeta spanjolle “El Mundo Deportivo “ ka shkruar një artikull në lidhje me statistikat, të cilat e dënojnë de Gea-n.
Spanja këtë Botëror e nisi me probleme, duke shkarkuar trajnerin një ditë përpara ndeshjes së parë, dhe këto u reflektuan nga 3 gola të pësuar ndaj Portugalisë. Mbrojtja nuk i besohej më tërësisht portierit, dhe kjo solli një postim të dukshëm të lojtarëve spanjoll drejtë portës. De Gea ishte një portier “fantazëm”, shkruajnë mediat e huaja teksa në analizën e humbjes barra më e madhe e fajit bie mbi të. Edhe Jose Mourinho trajneri i Manchester United, ka shprehur pakënaqësitë e tij në performancën e de Gea-s por sipas tij janë gjëra që u ndodhin edhe më të mirëve. /Opinion.al
