Ish-trajneri i Kombëtares së Shqipërisë, Giani De Biazi ka folur për ekipin e Milanit si dhe për skemat e implementuara nga trajneri Genaro Gattuso.
Në një intervistë për “Il Milanista”, ai theksoi se skuadra e “kuqezinjve” nuk ka gjetur ende ekuilibrin, edhe pse kanë kaluar 10 vite nga pritja për kthimin e Milanit.
“Milani nuk ka gjetur ekulibër ende pas 10 javësh. Skema 4-4-2 i shkon për shtat Higuainit dhe Kutrones, që më parë sakrifikoheshin. Italia nuk ka shumë talente kohët e fundit dhe ky është një problem thelbësor. Italia e kohës së Maldinit, Nestës Del Pieros dhe Totit nuk ekziston në këtë moment”, tha ai.
Ai është ndalur edhe tek ambiciet personale: “Përvoja në stolin e Shqipërisë ishte nga më të rëndësishmet për mua, por jo më e rëndësishmja në jetën profesionale. Kemi bërë diçka që në fillim as nuk e imagjinonin, flas për EURO 2016. Gjithçka ka ardhur nga puna dhe vullneti i lojtarëve. Kur u zgjodh Ventura kam qenë afër në stolin e Italisë, por gjërat ndryshuan. FSHF nuk donte të më lironte, por edhe Ventura ishte zgjedhur. Isha shumë pranë. Tani më duhet të gjej një mundësi që të më pëlqejë, kam refuzuar disa oferta, mes tyre edhe kombëtaren e Armenisë”, shtoi De Biazi.
