De Biazi mbledh sot ekipin në Lihtenshtein. Probleme me Balaj e Roshi

Këtë të shtunë, trajneri i Kombëtares Shqiptare ka shpallur listën e lojtarëve që do të grumbullohen për dy ndeshjet e rradhës të vlefshme për Eliminatoret e Rusi 2018. Ndeshja e parë, ajo kundër Lihtenshteinit do të zhvillohet më 6 tetor, ndërkohë që ditën e sotme De Biazi do të presë mbërritjen e të gjithë lojtarëve në qytetin e Vaduz. Është zgjedhur ky destinacion për fazën stërvitore të kuq e zinjve në mënyrë që lojtarët që luajnë nëpër kampionatet Evropiane të udhëtonin më pak orë. Probleme gjatë udhëtimit duket se do të ketë dyshja Roshi e Balaj të cilët luajnë në Rusi, vend i cili nuk ka linja direkte për në Vaduz. Mësohet se shumica e lojtarëve janë afruar pranë kompleksit ku do të zhvillojnë sot seancën e parë stërvitore.