Miqësorja me Kosovën do t’i shërbejë ekipit tonë kombëtar të përgatitet më mirë për Euro 2016, sipas këndvështrimit të trajnerit Gianni de Biasi. Ai ka folur pak më parë në një konferencë për mediat në Prishtinë, duke shtuar se skuadra do të shfrytëzojë, çdo mundësi për t’u përgatitur sa më mirë për kampionatin.
“Nesër do të jetë një ndeshje e rëndësishme për ne, pasi duhet të shfrytëzojmë çdo mundësi që të përgatitemi sa më mirë për Evropian. Keshtu do të bëjmë edhe me Gjeorgjinë edhe për dy ndeshjet që do t’i kemi në mars”, është shprehur tekniku italian.
