Si asnjëherë më parë, Gianni De Biasi, trajneri i Kombëtares shqiptarelistën e lojtarëve të cilët do të luajnë në miqësoren me Luksenburgun, e ka bërë publike në rrjetin social “Tëitter”. De Biasi ka preferuar ta bëjë larg syve të medias këtë gjë.
E reja në këtë listë të teknikut italian është rikthimi në kombëtare, pas një periudhe relativisht të gjatë kohe, i Ergys Kaçes, ndërkohë që është lënë jashtë Taulant Xhaka për shkak të përplasjeve në ndeshjet e fundit me trajnerin italian. Nuk do të jetë në radhët e kombëtares për këto dy ndeshje as Bekim Balaj, për arsye dëmtimi, ndërkohë që mungesë e rëndësishmne është edhe ajo e portierit Berisha, i cili vuan dënimin e 3 ndeshjeve pezullim.
Nuk është grumbulluar në skuadër as kapiteni Ansi Agolli, edhe ky i skualifikuar për shkak kartonash.
Përsa i përket pjesës tjetër të skuadrës, nuk ka ndryshime. Kështu, duke qëndruar te porta, De Biasi ka thirrur sërish Strakoshën, Hoxhën dhe Shehin. Në repartin e mbrojtjes Elseid Hysajt i bashkohen Aliji, Ajeti, Gjimshiti, Veseli, ndërsa në mesfushë, përveç Kaçes, janë edhe Basha, Memushaj, Roshi, Lila, Lenjani, Kukeli dhe Abrashi. Në repartin e avancuar janë përfshirë Llullaku, Cikalleshi, Sadiku, Latifi, Grezda dhe Hyka.
