Tani është më i qetë, por De Biasi nuk mund ti harrojë lehtë emocionet, drithërimat, por edhe ankthet që duhet ta kenë zgjuar shpesh nga gjumi gjatë eliminatoreve të fundit, sidomos 5 minutat e fundit me Portugalinë dhe Serbinë, ku për pak e gjithë kalaja e endërrave të tij për ta çuar Shqipërinë për herë të parë në një kompeticion futbollistik madhor, mund të ishte rrëzuar në mënyrën më të dhimbshme, nëse nuk do të ishte ajo fitore e fundit me Armeninë. Kështu i përjeton këto momente De Biasi edhe në intervistën e dhënë për “Opinion”, e cila do të transmetohet së shpejti. Intervistë ku krahas shumë temave që lidhen me Kombëtaren, De Biasi rrok emocionet në dy ndeshjet e parafundit, ku fataliteti në minutat e fundit e la pa gjumë.
