Trajneri i kombëtares shqiptare, Xhani De Biazi, është shfaqur shumë i nervozuar në konferencën për shtyp ku ka dhënë argumentimet e tij rreth emrave që ka lënë jashtë 23shes që do të udhëtojë drejt Francës.
I pyetur rreth pranisë së Veselit që i ishte bashkuar kombëtares së fundmi, trajneri kërkoi që tifozët t’i besonin përsëri instinktit të tij. “Është një zgjedhje e imja, a mund të zgjedh unë? Kemi ardhur këtu se bëra disa zgjedhje. Nëse do t’i bënit zgjedhjet ju, ta shihnit ku do të arrinit”, tha De Biazi. “Zgjedhjet janë bërë mbi arsye teknike, fizike, nga arsye nga më të ndryshmet, sepse ka lojtarë të cilët tani i gjej më të gatshëm për të mbrojtur ngjyrat e Shqipërisë”, vijoi ai.
