Ish-trajneri i kombëtares shqiptare, Gianni De Biasi do të rikthehet përseri drejtimit të një skuadre, por nuk ka përcaktuar nëse do të jetë një klub apo një kombëtare.
De Biasi nuk tha ndonjë emër të ndonjë skuadre, por theksoi se ndoshta mund të drejtojë një skuadër që është pjesë e Botërorit ‘Rusi 2018’.
“Po vlerësoj disa oferta, që më kanë ardhur nga disa klube jashtë Italisë, por edhe nga një kombëtare që do të jetë pjesëmarrëse në “Rusi 2018”. Trajneri i përfaqësueses për të cilën e kam fjalën do të largohet pas përfundimit të Botërorit. Sigurisht që nuk mund ta zbuloj tani emrin e skuadrës. Dua të punoj me një projekt ku do të jem përfshirë 100%.”
Pas largimit nga kombetarja shqiptare, De Biasi drejtoi për një kohë të shkurtër skuadrën spanjolle të Alaves.
