Gianni De Biasi pati oferta nga Italia pak kohë më parë, por ai nuk pranoi. Trajneri i Kombëtares konfirmoi interesimin e Palermo për ta afruar në fillim të këtij viti. Ai e tha këtë në një intervistë për faqen Tuttomercatoweb.com ku sqaroi se kishte interes edhe nga një ekip tjetër në Serie A.
Gianni De Biasi, trajner i Kombëtares: Bisedova dy herë me Zamparini, por nuk kisha dëshirë të largohesha nga Kombëtarja. Me Cagliari kontaktet nuk ishin të drejtpërdrejta.
Kontrata me Federatën Shqiptare të Futbollit përfundon me kualifikueset e Kupës së Botës dhe De Biasi le derën hapur për çdo mundësi apo zhvillim të mundshëm.
Gianni De Biasi, trajner i Kombëtares: Në fund të sezonit kur përfundon do të flasim. Zgjedhjet bëhen nga të dy palët.
Por De Biasi mund të kërkojë edhe një aventurë të re me një skuadër tjetër.
Gianni De Biasi, trajner i Kombëtares: Nëse ka një projekt serioz pse jo?
Gianni De Biasi i cili mori drejtimin e Kombëtares më shumë se 5 vite më parë duke arritur një kualifikim historik në fazën finale të Euro 2016./ TV KLAN
