Sekretari i Jashtëm i Britanisë së Madhe, David Cameron ka mbërritur në aeroportin e Rinasit.
Lajmi është bërë i ditur nga ministri i Jashtëm, Igli Hasani, i cili ka pritur Cameron.
Përmes një postimi në rrjete sociale, Hasani ka shprehur kënaqësinë për vizitën e Sekretarit Cameron në vendin tonë.
“Kënaqësi e madhe për të mirëpritur Sekretarin e Shtetit të Mbretërisë së Bashkuar për Çështjet e Jashtme, Komonuelthit dhe Zhvillimit Davi Cameron për në Tiranë.
Ruajtja e unitetit euroatlantik është thelbësore, në dritën e kërcënimeve aktuale për sigurinë evropiane, duke përfshirë maksimizimin e mbështetjes për Ukrainën dhe adresimin e sfidave ndaj stabilitetit në Ballkanin Perëndimor”, shkruan Hasani në X.
