Ai i ka provuar të gjitha në jetë. Ka qenë një nga futbollistët më të njohur dhe të talentuar britanik, ka provuar të jetë model dhe imazh i shumë brand-eve ndërkombëtare, ka marrë pjesë në shumë evente bamirësie dhe mbi të gjitha është baba i katër fëmijëve të mrekullueshëm. Për futbollistin David Beckham sfidat nuk kanë të sosur, andaj ka vendosur që të provojë fatin edhe në kinematografi. “ E kam shumë të qartë që shumë nga kolegët e mi futbollistë kanë provuar të luajnë në Hollivud dhe kanë dështuar. E di që është një profesion i vështirë, I cili kërkon shumë punë e disiplinë por unë do të praktikohem shumë derisa të arrij aty ku dua”, ka thënë Beckham për The Times.
