David Beckham do të jetë sërish pjesë e Real Madridit. Por, tifozët nuk do ta shohin në fushën e lojës si futbollist por në rolin e ambasadorit të klubit, ka bërë të ditur e përditshmja sportive madrilene “Marca”.
Beckham është në negociata me drejtuesit e “Los Blancos” për angazhimin në postin e ambasadorit të klubit, anembanë botës.
Beckham në Real Madrid do të ketë një rol të ngjashëm me atë të realizuar së fundmi mes Ronaldinhos dhe Barcelonës.
Beckham ishte futbollist i gjigantit madrilen gjatë periudhës 2003-2007 kur ekipi përbëhej nga yje të mëdhenj përfshirë Figo, Ronaldo e Zidane.
