Ditën e sotme presidenti Ilir Meta deklaroi se zgjedhjet lokale do të zhvillohen më 13 tetor.
Lidhur me vendimin e Metës, ka reaguar përsëri kryeministri Edi Rama, i cili ka theksuar se zgjedhjet do të zhvillohen më 30 qershor.
Po ashtu, Rama ka ironizuar presidentin duke e krahasuar atë me Haxhi Qamilin
Reagimi
Haxhiu, ai i pari, Qamili pra, mbante në xhep një vulë, e cila ishte nje togëz rripi që trimat e tij e kishin plaçkitur, mes shumë sendesh të karvaneve tregtare. Mbi të shkruhej greqisht “Kompani kafeje Export-Import” dhe dekretet e Haxhiut vuloseshin me të, pa e ditur as ai vetë ç’shkruhej mbi të! Ndërsa Haxhiu tjetër, Salvatori ynë Qametaj ose ndryshe, Presidenti ynë në shkarkim e sipër, e di çfarë shkruhet mbi Vulën e Republikës, po s’di hiç çfarë bën me dekretet për llogari të Saliut, Lulit e Monikës.
Baba Haxhiu u ngjall, po zgjedhjet nuk i vret dot dhe data e re e Baba Xhikes është një arsye e fortë më shumë, për të votuar të dielën, më 30QERSHOR; qetësisht e vendosmërisht, si shqiptarë pa dallim e as ngurrim, kundër karnavaleve të politikës pa din e as iman./ Opinion.al E.Xh.
