Qendra amerikane për Kontrollin dhe Parandalimin e Sëmundjeve e ka futur Shqipërinë në vendet me nivel të lartë rreziku për t’u infektuar me koronavirus.
Në udhëzimin e publikuar për shtetasit amerikanë, DASH rekomandon që të rishikohet vendimi për të udhëtuar drejt Shqipërisë, për shkak të rritjes së rasteve të reja me Covid-19.
“Qendrat për Kontrollin dhe Parandalimin e Sëmundjeve (CDC) kanë lëshuar një njoftim dhe e kanë vendosur Shqipërinë në nivelin 3 për shkak të numrit të infektimeve me COVID-19.
Rreziku juaj për të infektuar nga COVID 19 dhe zhvillimin i simptomave të rënda mund të jetë më i ulët nëse jeni plotësisht të vaksinuar me një vaksinë të autorizuar nga FDA’, shkruhet në paralajmërimin e DASH.
Po ashtu ambasada ka dhënë dhe një tjetër paralajmërim për qytetarët që të kenë kujdes nga krimi. Ambasada veçon situatën në Lazarat si të paqëndrueshme për shkak të prodhimit të marihuanës, teksa e thekson se nuk mund të ofrojë shërbime ne fshatin jugor.
‘Rishikoni Raportin e Krimit dhe Sigurisë për Shqipërinë. Qytetarët që udhëtojnë jashtë vendit duhet të kenë gjithmonë një plan emergjence për situatat emergjente. Situata e sigurisë në Lazarat mbetet e paqëndrueshme për shkak të krimit dhe dhunës që lidhen me kultivimin e marihuanës. Policia lokale ka aftësi të kufizuar për të mbrojtur dhe ndihmuar udhëtarët. Qeveria amerikane nuk është në gjendje të ofrojë shërbime emergjente për qytetarët amerikanë në Lazarat pasi punonjësve të qeverisë amerikane u ndalohet të udhëtojnë atje’, thuhet në raportin e DASH./Opinion.al
