Kreu i Grupit Parlamentar të Partisë Socialiste, Taulant Balla, ka sqaruar këtë të hënë deklaratat e ish-kryeministrit Berisha se ai ka qenë në një darkë me kreun e PD, Lulzim Basha.
Në një komunikim me gazetarët, Balla mohoi deklaratat e Berishës për darkën me Bashën dhe tha se gjithçka është shpifje. Ai sqaroi se asnjëherë nuk ka qenë në një darkë me Bashën.
“E para unë dua të sqaroj asnjëherë në jetën time nuk kam qenë në një darkë me zotin Basha. Ajo që është thënë nga Sali Berisha është një rishfaqje e 30 viteve të Sali Berishës. Është e pakuptimtë që për një person ‘non grata’, vazhdon e merr vëmendje publike, Unë mendoj se SHBA shpalljen ‘non grata’ e kanë bërë me fakte dhe si një nevojë për të çliruar PD-në dhe Shqipërinë nga negativiteti i Berishës në këto 30 vite”, u shpreh Balla.
Më tej Balla sqaroi se me Lulzim Bashës është takuar vetëm në gjykatë pasi e ka paditur për shpifje. Ai theksoi se komunikimi me të është institucional dhe secila nga palët mbron interesin që përfaqëson.
“Komunikimi është shumë institucional, secila nga palët mbron interesin që përfaqëson. Komunikimi për ngritjen e Komisionit të Posaçëm për Reformën Zgjedhore ka vijuar dhe në këtë sesion do të ngrihet. Është dakordësuar përbërja, anëtaret dhe objekti”, shtoi më tej kreu u Grupit Parlamentar i PD.
