Presidenti francez, Emanuel Macron dhe bashkëshortja e tij, të martën, do të priten me një stil madhështor në Shtëpinë e Bardhë në darkën e parë shtetërore të presidencës së Donald Trump.
Kodi i ngjyrave të zgjedhura nga Melania Trump është “krem dhe flori”, e cila organizohet në sallën e mbrëmjeve shtetërore, që ndodhet në katin e parë të Shtëpisë së Bardhë, krahu perëndimor.
Pjatanca është prej porcelani dhe daton në kohën e presidencave të Bill Clinton dhe George W. Bush. Kompleti i lugëve të argjenda janë të shtëpive të modës “Tiffany” dhe “S. Kirk&Sons”.
Më shumë se 2 500 lule bizeleje dhe mijëra jargavanë do të mbulojnë sallonin ndërsa në hyrje do të ketë rreth 1 200 degë qershish me lule.
Orkestra e Operas Kombëtare të Uashingtonit është ngarkuar për muzikën që do të luhet në sfond.
Në hyrje, të ftuarit do të shijojnë një tartë me djath dhie shoqëruar me reçel domateje, me thërrime biskotash me qumësht dhe marule të freskëta. Perimet vijnë nga kopështi i Shtëpisë së Bardhë.
Pjata kryesore do të jetë me kotoleta qengji shoqëruar me xhambala me oriz të artë nga Karolina, gatuar sipas traditës së Nju Orlin dhe me specialitete tradicionale me selino, speca dhe qepë, si dhe qepë të pjekura.
Një tartë me nektarina të mbushura me majt të Shtëpisë së Bardhë dhe shoqëruar me akullore prej kremi të freskët do të shërbehet si desert.
Ndonëse Trump njihet që nuk e pëlqen alkoolin, ai ofron një seleksionim verash që simbolizojnë miqësinë historike mes dy vendeve që përkon që me Revolucionin Amerikan.
Në darkë do të ketë shumë emra të njohur, por lista e tyre nuk është publikuar ende nga Shtëpia e Bardhë.
Darka është vetëm një pjesë e itinerarit të përgatitur në nder të tij, pasi të hënën me të mbërritur në SHBA, Macron dhe Trump, së bashku me bashkëshortet, vizituan disa monumente në Uashington dhe një qytet të projektuar nga arkitekti francez Pierre Charles L’Enfant para se të shkonin në Potomac për të darkuar me gratë e tyre në rezidencën e George Uashington në malin e Vermon.
Darka e fundit shtetërore për një përfaqësues franceze daton në vitin 2014, kur François Hollande u prit nga Barack dhe Michelle Obama./Opinion.al
