Ekonomia e Danimarkës po përballet me tkurrjen më të madhe ekonomike që nga Lufta e Dytë Botërore, për shkak të masave të izolimit kundër koronavirusit.
“Është serioze. Kriza e koronavirusit me gjasë do të ndikojë ekonominë e Danimarkës edhe për disa vite,” tha të martën ministri danez i Financave, Nicolai Wammen.
Në muajin prill, Wammen deklaroi se Danimarka përballet me një nga “kapitujt më të errët” në historinë e saj, pasi qeveria ka parashikuar tkurrje të ekonomisë për 3 deri në 6 për qind, këtë vit.
Ministria e Financave tani parashikon që ekonomia të tkurret konrektisht për 5.3 për qind.
Danimarka ka qenë ndër vendet e para që është izoluar për të frenuar epideminë e koronavirusit dhe ka qenë një nga të parat që ka nisur të rihapet, pas vënies nën kontroll të saj.
Vendi ka konfirmuar mbi 11,000 të infektuar dhe 563 viktima nga koronavirusi./Opinion.al
