Sport

Dani Alves largohet nga PSG


               Publikuar në : 14:23 - 23/06/19 |
Opi Nion

Tashmë është zyrtare, Dani Alves do të largohet nga Paris SG.

Braziliani e konfirmoi largimin tij nga francezët përmes një postimi në rrjetet sociale, ku u shprehet se ka ardhur koha që të largohet nga PSG.

Kontrata e Alves përfundon më 30 qershor, ndërsa si drejtuesit dhe braziliani nuk kanë shfaqur dëshirë për rinovim.

“Mbyll një cikël tjetër të jetës time, një cikël fitues për të cilin falënderoj familjen time te Paris Sën Zhermen, me të cilën shkrova një pjesë të historisë së klubit! Ishin  dy vjet të bukur, por erdhi momenti t’i jap fund. Kërkoj  falje që ndonjëherë nuk kam qenë në lartësinë e duhur apo kur kam bërë gabime! Dua të më kujtojnë si i çmenduri i çdo ditë me një energji të pastër”, tha Alves.

Gjatë kohës që luajti me PSG, Daniel Alves fitoi dy tituj kampion të Francës, dy Superkupa, një kupë Lige dhe një Kupë France. Ai u aktivizua në 73 ndeshje me Paris Sën Zhermenin duke shënuar 6 gola./ Opinion.al E.Xh.

Pas